ໃນວັນທີ 17 ກໍລະກົດ 2022 ຜ່ານມາ, ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ (ສກຈຮ ເອກພັດທະນາ) ໄດ້ເຜີຍແຜ່ຄວາມຮູ້ທາງດ້ານການເງິນແກ່ລູກຄ້າກຸ່ມບ້ານໂພນສະຫວາດ, ເມືອງເຟືອງ, ແຂວງວຽງຈັນ ເພື່ອສົ່ງເສີມໃຫ້ລູກຄ້າໄດ້ເຂົ້າໃຈຕໍ່ກັບການບໍລິຫານການເງິນໃນຄົວເຮືອນ ແລະ ສາມາດເອົາໄປປັບໃຊ້ເຂົ້າໃນເສດຖະກິດຄອບຄົວ.
ພວກເຮົາເຊື່ອໝັ້ນວ່າການຮຽນຮູ້ທາງດ້ານການເງິນຕັ້ງແຕ່ຍັງນ້ອຍແມ່ນມີຄວາມສຳຄັນຫຼາຍ. ຊຶ່ງຄົນຮຸ່ນໃໝ່ຈະພັດທະນາທັກສະຊີວິດທີ່ສຳຄັນນີ້ເພື່ອຊ່ວຍໃຫ້ພວກເຂົາຕັດສິນໃຈທາງການເງິນໄດ້ດີຂຶ້ນ.
ໜຶ່ງໃນເປົ້າໝາຍຫຼັກຂອງພວກເຮົາຄືການສ້າງຄວາມສາມາດໃຫ້ແກ່ກຸ່ມຄົນຮຸ່ນໃໝ່. ສອນໃຫ້ພວກເຂົາຮູ້ທາງດ້ານການເງິນຕັ້ງແຕ່ອາຍຸຍັງນ້ອຍສາມາດຊ່ວຍໃຫ້ພວກເຂົາເຕີບໂຕຂຶ້ນດ້ວຍຄວາມສາມາດໃນການເຂົ້າໃຈກ່ຽວກັບການຈັດການທາງດ້ານການເງິນໄດ້ດີຂຶ້ນ.
