ປີ 2020 ເປັນອີກປີໜຶ່ງທີ່ມີຄວາມສໍາຄັນສໍາລັບໃຜຫຼາຍໆຄົນ ບໍ່ວ່າຈະໄປໄວໜຸ່ມ ຫຼື ອາວຸໂສ ກໍ່ຕ້ອງໄດ້ມີວິໃນທາງການເງິນຫຼາຍຂຶ້ນ ເນື່ອງຈາກສະພາບເສດຖະກິດ ແລະ ເຕັກໂນໂລຊີກ້າວໜ້າຢ່າງກ້າວກະໂດດ ເຮັດໃຫ້ການໃຊ້ຊີວິດດ້ວຍຄວາມລະມັດລະວັງ ເຊິ່ງການວາງແຜນມາແຕ່ເນີ້ນໆຈະເຮັດໃຫ້ເຮົາເຫັນພາບທີ່ຊັດເຈນຫຼາຍຂຶ້ນ ວ່າໃນແຕ່ລະປີເຮົາໄດ້ເຮັດຫຍັງແດ່?, ປະສົບຜົນສໍາເລັດຫຼາຍປານໃດ? ແລະ ມີສິ່ງໃດທີ່ເຮັດບໍ່ໄດ້ ເຫຼົ່ານີ້ເປັນຕົ້ນ.
ສໍາລັບການວາງແຜນເປົ້າໝາຍໃນຊີວິດນັ້ນ ຫຼາຍຄົນກໍ່ມີແຜນຂອງຕົນເອງຢູ່ແລ້ວ ໂດຍສະເພາະແມ່ນປີ 2020 ສະພາບແວດລ້ອມໄດ້ມີການຜັນປ່ຽນຕາມການເວລາ. ສະນັ້ນ, ເຮົາມີເຄັດລັບດີໆມາຝາກໃຫ້ທ່ານໄດ້ລອງປະຕິບັດເບິ່ງ ອາດຈະເລີ່ມຈາການວາງແຜນ ແລ້ວລົງມືຈັດຕັ້ງປະຕິບັດຢ່າງຈິງຈັງ ເພື່ອຈະເປັນທາງເລືອກໜຶ່ງ ເຮັດໃຫ້ຊີວິດຂອງເຮົາມີຊີວິດການເປັນຢູ່ທີ່ດີຂຶ້ນ ແລະ ມີຄວາມສຸກຫຼາຍຂຶ້ນ ເຊັ່ນ:
ອາຊີບການງານ: ຕ້ອງໄດ້ຂະຫຍັນໃຫ້ຫຼາຍຂຶ້ນກວ່າເກົ່າ ແລະ ຕ້ອງເຮັດໃຫ້ດີທີ່ສຸດ ຈຶ່ງຈະຖືວ່າເປັນການພັດທະນາຕົນເອງໃຫ້ມີການງານທີ່ກ້າວໜ້າ.
ເພີ່ມພູມການເງິນ: ຕ້ອງໄດ້ມີວິໃນທາງການເງິນໃນຕົວເອງຫຼາຍຂຶ້ນ ແລະ ປະຕິບັດຢູ່ເລື້ອຍ.
ຄວາມສາມາດ: ຕ້ອງພັດທະນາຂີດຄວາມສາມາດໃນຫຼາຍໆດ້ານ ເພາະໃນຍຸກນີ້ຫາກເຮົາເກັ່ງດ້ານດຽວກໍ່ຄົງເປັນໄປໄດ້ຍາກ. ສະນັ້ນ, ຕ້ອງອັບເກຣດຕົນເອງໃຫ້ຮູ້ຮອບດ້ານ.
ໝູ່ເພື່ອນ ແລະ ສັງຄົມ: ການພົບປະສັງສັນ ຫຼື ເຂົ້າສັງຄົມມ ກໍ່ເປັນອີກຊ່ອງທາງໜຶ່ງເຮັດໃຫ້ເຮົາມີໂອກາດໃນການຫາເງິນ, ແລກປ່ຽນບົດຮຽນ ແລະ ຄົ້ນຫາປະສົບການໃໝ່ໆ.
ຊີວິດຄອບຄົວ: ຫາກເຮົາສາມາດໃນປະຕິບັດຕາມແຜນທີ່ວາງມາຕັ້ງແຕ່ຕົນ ກໍ່ຈະເຮັດໃຫ້ຄອບຄົວມີຊີວິດການເປັນຢູ່ທີ່ດີ ແລະ ກາຍເປັນແບບຢ່າງຂອງຍາດຕິພີ່ນ້ອງກໍ່ຄືສັງຄົມ.
ສຸຂະພາບ: ຫາກສຸກຂະພາບບໍ່ດີ ກໍ່ເປັນເລື່ອງຍາກທີ່ເຮົາຈະເຮັດວຽກປະສົບຜົນສໍາເລັດໃນຊ້ວງເວລາໃດໜຶ່ງ. ສະນັ້ນ, ການອອກກໍາລັງກາຍຢ່າງສະໝໍ່າສະເໝີ ແມ່ນເລື່ອງຈໍາເປັນທີ່ຕ້ອງເຮັດ.
ການແບ່ງປັນ: ຢູ່ໃນສັງຄົມໃດໜຶ່ງ ການເຫັນອົກເຫັນໃຈເຊິ່ງກັນ ແລະ ກັນ ຖືວ່າເປັນເລື່ອງດີຫຼາຍ ເພາະເຮົາບໍ່ສາມາດຢູ່ຢ່າງໂດດດ່ຽວໄດ້ ເຊິ່ງການເຮັດວຽກກໍ່ເຊັ່ນກັນ ຫາກເຮົາເປັນວຽກເປັນທີມຫຼາຍຂຶ້ນ ກໍ່ຈະເຮັດໃຫ້ເຮົາກ້າວເຂົ້າສູ່ຄວາມສໍາເລັດໄວຂຶ້ນ.
ທີ່ມາ: D2N Creative Studio
ຂອບໃຈຮູບພາບ: http://www.freepik.com