ຂ່າວປະຊາສຶກສາທາງດ້ານການເງິນ

ພາບບັນຍາກາດ ການເປີດເທີມໃໝ່ ຂອງນ້ອງໆນັກຮຽນຈຳນວນຫຼາຍ ທີ່ໃຫ້ຄວາມສົນໃຈເຂົ້າມາເປີດບັນຊີເຂົ້າຮ່ວມໂຄງການເງິນຝາກເດັກສະຫຼາດ.

ວັນທີ 31 ສິງຫາ 2020 ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ ສືບຕໍ່ໃຫ້ບໍລິການທາງດ້ານການເງິນຮູບແບບສູນປະຊຸມ ໂດຍການເຮັດວຽກແບບມີສ່ວນຮ່ວມຂອງລູກຄ້າ ເຊິ່ງບໍລິການເງິນກູ້ແບບບໍ່ມີຫຼັກຊັບຄ້ຳປະກັນໃຫ້ກັບພີ່ນ້ອງປະຊາຊົນຊາວແຂວງໄຊຍະບູລີ. ກ່ອນໜ້ານັ້ນ, ສກຈຮ ເອກພັດທະນາ ສືບຕໍ່ໃຫ້ບໍລິການດ້ານການເງິນແກ່ຊຸມຊົນເຂດບ້ານນາແຄມ ເມືອງ ພຽງ ແຂວງໄຊຍະບູລີ ເພື່ອສົ່ງເສີມການເຂົ້າເຖິງແຫຼ່ງເງິນທຶນຂອງປະຊາຊົນໃຫ້ຫຼາຍຂຶ້ນ.

ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ ສືບຕໍ່ໃຫ້ບໍລິການດ້ານການເງິນໃຫ້ກັບລູກຄ້າໃນເຂດຊຸມຊົນ ເພື່ອສ້າງເງື່ອນໄຂສະດວກໃນການເຂົ້າເຖິງແຫຼ່ງເງິນທຶນໃຫ້ກັບເຂົາເຈົ້າ.

ໃນວັນທີ 20-21/08/2020 ພະນັກງານ ສະຖານບັນການເງິນຈຸລະພາກ ທີ່ຮັບເງິນຝາກ ເອກພັດທະນາ ເຂົ້າຮ່ວມຝຶກອົບຮົມພາຍໃຕ້ຫົວຂໍ້: “ທັກສະການເພີ່ມຍອດສິນເຊື່ອ ແລະ ການຫຼຸດຄວາມສ່ຽງໜີ້ຊັກຊ້າ” ເຊິ່ງການຝຶກອົບຮົມໄດ້ຈັດຂຶ້ນໂດຍ ສູນຝຶກອົບຮົມ ການພັດທະນາອົງກອນ ທີ່ເຮືອນຮັບແຂກ ກະຊວງແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນ.

ເມື່ອວັນທີ 21 ສິງຫາ 2020 ສກຈຮ ເອກພັດທະນາ ມອບສິນໄໝທົດແທນຈາກປະກັນຊີວິດເງິນກູ້ ໃຫ້ກັບລູກຄ້ານາງ ຟອງສະມຸດ ຫຼວງອາໄພ ເຊິ່ງເປັນຜູ້ໄດ້ຮັບການຄຸ້ມຄອງ (ເສຍຊີວິດ) ແລະ ທ້າວ ວິຊຽນ ຫຼວງອາໄພ ເຊິ່ງເປັນຜູ້ໄດ້ຮັບຜົນປະໂຫຍດ (ຜົວ) ອາໃສຢູ່ບ້ານບໍ່ ເມືອງທຸລະຄົມ ແຂວງວຽງຈັນ ຈຳນວນ 9.000.000 ກີບ. ກ່ອນໜ້ານັ້ນ, ວັນທີ 17 ສິງຫາ 2020 ສກຈຮ ເອກພັດທະນາ ກໍ່ໄດ້ມອບສິນໄໝທົດແທນຈາກປະກັນຊີວິດເງິນກູ້ ໃຫ້ກັບລູກຄ້ານາງ ດາວວົງ ບ້ານ ໂພສີ ເມືອງ ນາຊາຍທອງ ນະຄອນຫຼວງວຽງຈັນ ຈຳນວນເງິນ 9.375.000ກີບ (ຜູ້ຮ່ວມປະກັນເສຍຊີວິດ).

ພາບບັນຍາກາດຂອງສະຖາບັນການເງິນ ຈຸລະພາກ ທີ່ຮັບເງິນຝາກ ເອກພັດທະນາ ສືບຕໍ່ໃຫ້ບໍລິການແກ່ຊຸມຊົນ ເພື່ອໃຫ້ບໍລິການເງິນຝາກ ແລະ ສະໜອງເງິນກູ້ໃຫ້ກັບຜູ້ທີ່ຕ້ອງການແຫຼ່ງທຶນເຂົ້ານຳໃຊ້ເສດຖະກິດຄອບຄົວ.

ສະຖາບັນການເງິນ ຈຸລະພາກ ທີ່ຮັບເງິນຝາກ ເອກພັດທະນາ ໄດ້ໃຫ້ຄວາມສໍາຄັນໃນການຊຸກຍູ້ ແລະ ຕິດຕາມ ການຈັດຕັ້ງປະຕິບັດບັນດາກິດຈະກໍາຂອງລູກຄ້າທີ່ທົ່ວໄປທີ່ໄດ້ກູ້ຢືມເງິນຈາກສະຖາບັນພວກເຮົາ ເພື່ອເຮັດແນວໃດໃຫ້ເຂົາເຈົ້ານໍາໃຊ້ທຶນທີ່ມີຢູ່ ຖຶກຕ້ອງ ແລະ ສອດຄ່ອງກັບເປົ້າໝາຍ, ສ້າງໃຫ້ກິດຈະການມີຜົນກໍາໄລ ແລະ ສ້າງເສດຖະກິດຄອບຄົວໃຫ້ຮັ່ງມີເຂັ້ມແຂງຂຶ້ນໄປເລື້ອຍໆ.

ປະມວນພາບບັນຍາກາດໃນການເປີດບູ໊ດຂອງ ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ ໃນພິທີປິດການແຂງຂັນກິລາ ແລະ ສິລະປະຂອງ ສະຖາບັນການທະນາຄານ ທີ່ສະໂມສອນໃຫຍ່ຂອງສະຖາບັນການທະນາຄານ ຄັ້ງວັນທີ 08 ສິງຫາ 2020 ຜ່ານມານີ້. ໂອກາດນີ້, ສກຈຮ ເອກພັດທະນາ ກໍ່ໄດ້ມີສ່ວນຮ່ວມໃນການເປີດບູ໊ດນຳສະເໜີຜະລິດຕະພັນ ແລະ ການບໍລິການຕ່າງໆຂອງສະຖາບັນ ເພື່ອໃຫ້ນ້ອງໆນັກສຶກສາ ແລະ ແຂກທີ່ເຂົ້າຮ່ວມງານໄດ້ສອບຖາມ ແລະ ຮູ້ຈັກກ່ຽວກັບຜະລິດຕະພັນຂອງເຮົາຫຼາຍຂຶ້ນ.

ເນື່ອງໃນໂອກາດກາດລາຍການເຮຮາການເງິນສັນຈອນ ທີ່ສະຖາບັນການທະນາຄານ ໄດ້ສຳພາດອາຈານ ແລະ ນັກສຶກສາ ໂດຍການເຈາະເລິກກັບວຽກງານການເງິນຈຸລະພາກໂດຍສະເພາະ ເຊິ່ງເຕັມໄປດ້ວຍເນື້ອຫາ ສາລະ ນ້ອງນັກຮຽນທີ່ກຳລັງຈົບໃໝ່ ຫຼື ຜູ້ທີ່ກຳລັງຢາກສຶກສາພາກວິຊາການເງິນຈຸລະພາກ ຢ່າລືມເຂົ້າໄປເບິ່ງລາຍການຢ້ອນຫຼັງ. ເຊິ່ງແຂກຮັບເຊີນພິເສດ ອາຈານ ປ.ອ ນາງ ຈັນທະວອນ ພົມມະເທບ ຮອງຫົວໜ້າພາກວິຊາ ແລະ ອາຈານ ສີລິມຸງຄຸນ ຫຼວງລາດ ຫົວໜ້າຂະແໜງການເງິນຈຸລະພາກ ສະຖາບັນການທະນາຄານ ໃນຫົວຂໍ້: ພາກວິຊາການເງິນຈຸລະພາກໃນ ສປປ ລາວ. ໂອກາດນີ້, ອາຈານ ສີລິມຸງຄຸນ ຫຼວງລາດ ຫົວໜ້າຂະແໜງການເງິນຈຸລະພາກ ສະຖາບັນການທະນາຄານ ໄດ້ສະແດງຄວາມຂອບໃຈມາຍັງສະຖາບັນການເງິນ ທີ່ໄດ້ໃຫ້ໂອກາດ ແລະ ເປັນແຮງຫນຶ່ງເພື່ອສ້າງສາເຜີຍແຜ່ຂໍ້ມູນ ທີ່ຕິດພັນກັບຫລັກສູດຂອງ ສທຄ ໂດຍສະເພາະສາຂາການເງິນຈຸລະພາກ (Micro Finance Curriculum) ໃຫ້ກັບສັງຄົມ ແລະ ນ້ອງນັກຮຽນ ມ7 ທີ່ກຳລັງສຶກສາຫາຂໍ້ມູນປະກອບການຕັດສິນໃຈເລືອກສາຂາຮຽນຕໍ່ໃນລະດັບທີ່ສູງຂຶ້ນ. ທັງເປັນການສ້າງຄວາມເຂັ້ມແຂງທາງດ້ານວິຊາການໃນຂົງເຂດການເງິນຈຸລະພາກ ໃຫ້ມີໃບໜ້າໃໝ່ ແລະສັງຄົມເຂົ້າໃຈໄດ້ນັບມື້ຂະຫຍາຍຕົວ ແລະ ກວ້າງຂວາງເປັນກ້າວໆ.