ຂ່າວທົ່ວໄປ

ມອບສິນໄໝທົດແທນໃຫ້ກັບລູກຄ້າທີ່ໄດ້ຮັບການຄຸ້ມຄອງຈາກປະກັນຊີວິດເງິນກູ້.

ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ ໄດ້ມອບສິນໄໝທົດແທນໃຫ້ກັບລູກຄ້າທີ ່ໄດ້ຮັບການຄຸ້ມຄອງຈາກປະກັນຊີວິດເງິນກູ້; ເຊິ່ງ ນາງ ມູກດາວັນ ວໍລະຈິດ ປະຊາຊົນອາໃສຢູ່ບ້ານນ້ຳພ້າວ, ເມືອງວັງວຽງ, ແຂວງວຽງຈັນ, ລວມມູນຄ່າທັງໝົດ 9.584.000ກີບ.

ສກຈຮ ເອກພັດທະນາ ມອບເຄື່ອງຊ່ວຍ ເຫຼືອຜູ້ປະສົບໄພນໍ້າຖ້ວມ ມູນຄ່າ 5 ລ້ານກີບ.

ພະນັກງານ ສກຈຮ ເອກພັດທະນາ ພ້ອມດ້ວຍໝູ່ເພື່ອນຈຳນວນໜຶ່ງ ສົມທົບເຄື່ອງບໍລິຈາກ ກັບ ສະຖາບັນພັດທະນາຊັບພະຍາກອນມະນຸດ ລາວ-ຢີ່ປຸ່ນ ເພື່ອມອບເຄື່ອງອຸປະໂພກ ແລະ ບໍລິໂພກ ໃຫ້ກັບຜູ້ໄດ້ຮັບຜົນກະທົບຈາກໄພນ້ຳຖ້ວມທີ່ພາກກາງ ແຂວງສະຫວັນນະເຂດ ລວມມູນຄ່າ 5.000.000 ກີບ. ຄຽຄູ່ກັນນັ້ນ, ສະຖາບັນລາວ-ຍີ່ປຸ່ນ (LJI) ໄດ້ສະແດງຄວາມຂໍຂອບໃຈມາຍັງ ສະຖາບັນການເງິນຈຸລະພາກ ທີ່ຮັບເງິນຝາກ ເອກະພັດທະນາ (EMI) ທີ່ໄດ້ປະກອບສ່ວນຊ່ວຍເຫຼືອສັງຄົມ ດ້ວຍການມອບເຄື່ອງຊ່ວຍເຫຼືອ ມູນຄ່າລວມ 5,000,000 ກີບ ສົມທົບເຂົ້າກັບຂະບວນການສົ່ງນໍ້າໃຈ ແລະ ກໍາລັງໃຈໃຫ້ແກ່ຜູ້ປະສົບ ໄພນໍ້າຖ້ວມ ທີ່ແຂວງສະຫວັນນະເຂດ ເຊິ່ງຈັດໂດຍສະຖາບັນລາວ-ຍີ່ປຸ່ນ, ມະຫາວິທະຍາໄລແຫ່ງຊາດ. ຕາງໜ້າຮັບເອົາໂດຍ ທ່ານ ຮສ.ປອ. ບຸນລ້ວນ ດ້ວງເງິນ, ຜູ້ອໍານວຍການສະຖາບັນລາວ-ຍີ່ປຸ່ນ ພ້ອມດ້ວຍຮອງ ຜູ້ອໍານວຍການ ແລະ ຄະນະພະແນກ. ສໍາລັບຂະບວນການສົ່ງນໍ້າໃຈ ແລະ ກໍາລັງໃຈໃຫ້ແກ່ ຜູ້ປະສົບໄພນໍ້າຖ້ວມ ທີ່ແຂວງສະຫວັນນະເຂດ ແມ່ນຈະຈັດຂຶ້ນໃນວັນ 17/11/2020 ຜ່ານມາ.

ສກຈຮ ເອກພັດທະນາ ໜ່ວຍບໍລິການ ສືບຕໍ່ຂະຫຍາຍຖານລູກຄ້າຢູ່ເມືອງວັງວຽງ.

ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ ໜ່ວຍບໍລິການວັງວຽງ ແຂວງວຽງຈັນ ໄດ້ ສືບຕໍ່ຂະຫຍາຍລູກຄ້າ ໂດຍການລົງພື້ນທີ່ຕາມຕະຫຼາດ ແລະ ຊຸມຊົນ ເພື່ອໃຫ້ພໍ່ຄ້າ ຊາວຂາຍສາມາດ ເຂົ້າເຖິງແຫຼ່ງເງິນທຶນໄດ້ງ່າຍ.

ສກຈຮ ເອກພັດທະນາ ເຂົ້າຮ່ວມງານ ສະເຫຼີມສະຫຼອງວັນທ້ອນເງິນອາຊຽນ.

ໃນວັນທີ 31 ຕຸລາ 2020 ຜ່ານມາ. ສກຈຮ ເອກພັດທະນາ ເຂົ້າຮ່ວມງານສະເຫຼີມສະຫຼອງວັນທ້ອນເງິນ ອາຊຽນ (ASEAN SAVINGS DAY 31st October 2020). ທ່ານ ນາງ ບຸນຕາ ບູລົມ, ຮອງອຳນວຍ ການ ສຮກຈ ເອກພັດທະນາ ໄດ້ຂຶ້ນນຳສະເໜີຫົວຂໍ້ “ເງິນຝາກເດັກສະຫຼາດ” ທີ່ໄດ້ຈັດຕັ້ງປະຕິບັດຜ່ານມາ. ເມື່ອທ່ານທ້ອນເງິນເທື່ອລະນ້ອຍ, ສິ່ງທີ່ຍິ່ງໃຫຍ່ຈະເກີດຂຶ້ນພາຍຫຼັງ. When you save a bit, big things follow. ຈັດຂຶ້ນໂດຍ: ທະນາຄານ ແຫ່ງ ສປປ ລາວ.

ສກຈຮ ເອກພັດທະນາ ໃຫ້ຄວາມຮູ້ທາງ ດ້ານການເງິນ ແກ່ນ້ອງນ້ອຍນັກຮຽນ.

ສະຖາບັນການເງິນ ຈຸລະພາກ ທີ່ຮັບເງິນຝາກ ເອກພັດທະນາ (ສກຈຮ ເອກພັດທະນາ) ໄດ້ສືບຕໍ່ສົ່ງເສີມການໃຫ້ຄວາມຮູ້ທາງດ້ານການເງິນ ແລະ ໃຫ້ແງ່ຄິດ ລວມໄປເຖິງ ບົດຮຽນຊີວິດແກ່ເຍົາວະຊົນ ທີ່ຈະເປັນຜູ້ສືບທອດໃນການພັດທະນາປະເທດ ແມ່ນໜຶ່ງໃນ ເປົ້າໝາຍຂອງພວກເຮົາ.

ສກຈຮ ເອກພັດທະນາ ເຂົ້າຮ່ວມງານ ມະຫະກຳກິລານັກຮຽນ ທົ່ວເມືອງໂພນໂຮງ ແຂວງວຽງຈັນ.

ສກຈຮ ເອກພັດທະນາ ເຂົ້າຮ່ວມງານມະຫະກຳກິລານັກຮຽນຊັ້ນປະຖົມ, ມັດທະຍົມຕອນຕົ້ນ ແລະ ມັດທະຍົມຕອນປາຍ ທົ່ວເມືອງໂພນໂຮງ ແຂວງວຽງຈັນ. ເນື່ອງໃນໂອກາດ ສ້າງຂະບວນການຂ່ຳນັບຮັບຕ້ອນ ກອງປະຊຸມໃຫຍ່ ຄັ້ງທີ VI ຂອງອົງຄະນະພັກແຂວງວຽງຈັນ ແລະ ຂ່ຳນັບຮັບຕ້ອນວັນຊາດ ທີ 2 ທັນວາ ຄົບຮອບ 45 ປີ.

ມອບອຸປະກອນການຮຽນໃຫ້ໂຮງຮຽນປະ ຖົມສົມບູນພູພຽງ ເມືອງເຟືອງ ແຂວງວຽງຈັນ.

ສກຈຮ ເອກພັດທະນາ ມອບອຸປະກອນການຮຽນ-ການສອນຊ່ວຍເຫຼືອ ຄູ ແລະ ນ້ອງນັກຮຽນທີ່ໂຮງຮຽນ ປະຖົມສົມບູນພູພຽງ, ເມືອງເຟືອງ, ແຂວງວຽງຈັນ ເຊິ່ງເປັນໂຮງຮຽນທີ່ຢູ່ເຂດຫ່າງໄກສອກຫຼີກ ແລະ ມີຄວາມຕ້ອງການໃນການຊ່ວຍເຫຼືອ. ທຶນໃນການຊ່ວຍເຫຼືອໃນຄັ້ງນີ້, ແມ່ນໄດ້ມາຈາກສະຖາບັນແຫ່ງຄວາມດີຂອງ ສກຈຮ ເອກພັດທະນາ ໂດຍການສະສົມດາວແຫ່ງຄວາມດີ ແລ້ວນຳໄປແລກເປັນເງິນເພື່ອນຳໄປຊື້ອຸປະກອນດັ່ງກ່າວ. ການຊ່ວຍເຫຼືອໃນຄັ້ງນີ້, ກໍ່ເພື່ອສົ່ງເສີມການຮຽນ-ການສອນຂອງໂຮງໃຫ້ມີຄຸນນະພາບດີຂຶ້ນ ແລະ ຍັງເປັນການສົ່ງເສີມເດັກໃຫ້ມີແນວຄິດຮັກໃນການຮຽນ, ເຫັນຄວາມສຳຄັນຂອງການສຶກສາ ເພື່ອສົ່ງຜົນໃຫ້ເປັນພົນລະເມືອງດີຂອງຊາດອີກດ້ວຍ.

ໂຄງການເງິນຝາກເດັກສະຫຼາດ SMART Kids ຝາກເງິນໄດ້ດອກເບ້ຍ.

ໂຄງການເງິນຝາກເດັກສະຫລາດ SMART Kids ຝາກເງິນໄດ້ດອກເບ້ຍ ເລີ່ມຕົ້ນພຽງ 1,000 ກີບ ໂດຍ ສະຖາບັນການເງິນ​ຈຸລະພາກ ທີ່ຮັບຝາກເງິນ ເອກພັດທະນາ (EM,​ ນ້ອງໆສາມາດມາຝາກໄດ້ທຸກວັນສຸກເດີ້ ເລີ່ມເວລາ 9 ໂມເຊົ້າ ຫາ 13:00 ໂມງ.