ຂ່າວທົ່ວໄປ

ສກຈຮ ເອກພັດທະນາ ສືບຕໍ່ແບ່ງປັນຄວາມສຸກໃຫ້ລູກຄ້າ ໃນຊ້ວງການລະບາດຂອງພະຍາດໂຄວິດ-19.

ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ (ສກຈຮ ເອກພັດທະນາ) ພວກເຮົາເຫັນຍັງສືບຕໍ່ມອບເຄື່ອງອຸປະໂພກ-ບໍລິໂພກ ເພື່ອຊ່ວຍເຫຼືອສັງຄົມມາເປັນໄລຍະໆ. ເຖິງວ່າການແຜ່ລະບາດຂອງພະຍາດໂຄວິດ-19 ໃນນະຄອນຫຼວງວຽງຈັນຈະຫຼຸດໜ້ອຍຖອຍລົງກໍ່ຕາມ, ແຕ່ຢູ່ບັນດາແຂວງຕ່າງໆໃນທົ່ວປະເທດຍັງຄົງມີການຕິດເຊື້ອຢູ່. ສະນັ້ນ, ພວກເຮົາຈຶ່ງໄດ້ຊ່ວຍກັນ ເພື່ອແບ່ງເບົາພາລະໃຫ້ກັບລູກຄ້າກໍ່ຄືສັງຄົມທົ່ວໄປ ແລະ ພ້ອມກັນຜ່ານຜ່າອຸປະສັກໄລຍະການລະບາດຂອງພະຍາດໂຄວິດ-19 ໄປພ້ອມໆກັນ.

ປະມວນພາບ ແຂ່ງຂັນວິດີໂອກ່ຽວກັບການເງິນ ແລະ ການລະບາຍສີ ສໍາລັບລູກ-ຫຼານພະນັກງານ.

ມາລຸ້ນນຳກັນວ່າຫຼານນ້ອຍຄົນໃດຈະຊະນະໃຈກຳມະການກັບ ກິດຈະກຳວັນເດັກຂອງລູກຫຼານພະນັກງານ, ເຊິງມີລູກພະນັກງາລົງທະບຽນເຂົ້າແຂ່ງຂັນ ລາຍການລະບາຍສີ 19 ຄົນ ໃນລະດັບອາຍຸ 9 ປີລົງມາ ແລະ ຈະໄດ້ຮັບເງິນລາງວັນລວມມູນຄ່າ 1.200.000ກີບ. (Happy Children’s Day with EMI Talent Contest). ລິ້ງວິດີໂອ: https://web.facebook.com/EMIMFI/videos/294004156954409

ສກຈຮ ເອກພັດທະນາ ຈັດກິດຈະກໍາແຂ່ງຂັນວິດີໂອກ່ຽວກັບການເງິນ ແລະ ການລະບາຍສີ ສໍາລັບລູກ-ຫຼານພະນັກງານ.

ເນື່ອງໃນວັນເດັກນ້ອຍສາກົນ (01 ມິຖຸນາ 2021) ຜ່ານມານີ້. ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ ກໍ່ໄດ້ຈັດກິດຈະກໍາການແຂ່ງຂັນ ວິດີໂອກ່ຽວກັບການເງິນ ແລະ ການລະບາຍສີ (ສໍາລັບລູກ-ຫຼານພະນັກງານ) ພາຍໃນອົງກອນ, ເພື່ອເປັນການສົ່ງເສີມໃຫ້ເດັກນ້ອຍ ໄດ້ສະແດງຄວາມສາມາດ ແລະ ຍັງເຂົ້າໃຈຕໍ່ກັບວຽກງານການເງິນ ທີ່ຜູ້ປົກຄອງຂອງຕົນໄດ້ສັງກັດໃນອົງກອນ. (Happy Children’s Day with EMI Talent Contest). ສ່ວນລາຍລະອຽດຕ່າງໆສາມາດຕິດຕາມໄດ້ໃນລຸ່ມນີ້:

ສກຈຮ ເອກພັດທະນາ ຮ່ວມໃຈແບ່ງເບົາພາລະໃຫ້ແກ່ລູກຄ້າ ໃນໄລຍະການລະບາດຂອງພະຍາດໂຄວິດ-19.

ຕັ້ງແຕ່ໃດໆມາ, ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ (ສກຈຮ ເອກພັດທະນາ) ພວກເຮົາເຫັນໄດ້ຄວາມສໍາຄັນຂອງການຊ່ວຍເຫຼືອສັງຄົມ ມາໂດຍຕະຫຼອດ. ສໍາລັບໃນໄລຍະການແຜ່ລະບາດຂອງພະຍາດໂຄວິດ-19 ອີກຄັ້ງໃໝ່ຢູ່ປະເທດເຮົາເມື່ອບໍ່ດົນມານີ້. ດັ່ງນັ້ນ, ທາງຄະນະຜູ້ບໍລິຫານ ແລະ ພະນັກງານຢູ່ແຕ່ລະໜ່ວຍບໍລິການ ກໍ່ໄດ້ຊ່ວຍກັນທາງດ້ານເຫື່ອແຮງ ແລະ ປັດໃຈຈໍານວນໜຶ່ງ ເພື່ອແບ່ງເບົາພາລະໃຫ້ກັບລູກຄ້າຢູ່ແຕ່ລະທ້ອງຖິ່ນ. ດ້ວຍການມອບເຄື່ອງອຸປະໂພກ-ບໍລິໂພກປະເພດຕ່າງໆ ເພື່ອໃຫ້ເປັນການຊ່ວຍເຫຼືອໃນຍາມຂັດສົນ ໂດຍສະເພາະແມ່ນໃນໄລຍະສະພາບເສດຖະກິດຂອງບ້ານເຮົາ ທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19. ເຖິງວ່າເຄື່ອງຂອງຕ່າງໆອາດຈະບໍ່ຫຼາຍ, ແຕ່ກໍ່ແມ່ນພວກເຮົາຕັ້ງໃຈຢາກຈະມອບໃຫ້ ເພື່ອສາມາດ ຊ່ວຍເຫຼືອລູກຄ້າກໍ່ຄືືສັງຄົມໄດ້ໃນລະດັບໜຶ່ງ.

ສກຈຮ ເອກພັດທະນາ ແບ່ງປັນນໍ້າໃຈປະກອບສ່ວນຊ່ວຍເຫຼືອສັງຄົມ ໄລຍະໂຄວິດ-19.

ຄະນະຜູ້ບໍລິຫານ ແລະ ພະນັກງານ ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ ຂໍເປັນສ່ວນໜຶ່ງໃນການແບ່ງປັນ ພວກເຮົາຂໍໍແບ່ງເບົາລາຍຈ່າຍໃນໄລຍະພະຍາດ Covid-19. ເຊິ່ງພວກເຮົາໄດ້ສ້າງຕູ້ປັນສຸກໄວ້ຕໍ່ໜ້າຫ້ອງການສຳນັກງານໃຫຍ່ ບ້ານສະພານທອງເໜືອ, ເມືອງສີສັດຕະນາກ, ນະຄອນຫຼວງວຽງຈັນ (ກົງກັນຂ້າມກັບສວນ 23 ສິງຫາ). ໃນນັ້ນ, ລວມມີເຄື່ອງອຸປະໂພກ-ບໍລິໂພກ. ຖ້າທ່ານໃດຂາດເຂີນ ຫຼື ມີຄວາມຈຳເປັນ ກໍ່ສາມາດມາຮັບເຄື່ອງຈາກຕູ້ປັນສຸກຂອງພວກເຮົາໄດ້ ນັບແຕ່ວັນທີ 18 ພຶດສະພາ 2021 ເປັນຕົ້ນໄປ. ກິດຈະກຳ ອີເອັມໄອ ປັນສຸກ ຂອງພະນັກງານ ສກຈຮ ເອກພັດທະນາ ໃນການແບ່ງປັນເພື່ອແບ່ງເບົາລາຍຈ່າຍໃນໄລຍະວິກິດຈາກພະຍາດ Covid-19 ໃຫ້ກັບຜູ້ທີ່ໄດ້ຮັບຜົນກະທົບ, ຫວັງວ່າກິດຈະກຳນ້ອຍໆຂອງພວກເຮົາໃນຄັ້ງນີ້ ຈະຊ່ວຍສ້າງຮອຍຍິ້ມໃຫ້ກັບທ່ານໄດ້.

ສກຈຮ ເອກພັດທະນາ ມອບເຄື່ອງຊຸກຍູ້ໃຫ້ຄະນະສະເພາະກິດເມືອງທຸລະຄົມ.

ວັນທີ 6 ພຶດສະພາ 2021 ຜ່ານມາ, ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ (ສກຈຮ ເອກພັດທະນາ) ໜ່ວຍບໍລິການເມືອງທຸລະຄົມ ແຂວງວຽງຈັນ ໄດ້ມອບເຄຶ່ອງຊຸກຍູ້ວຽກງານປ້ອງກັນ ແລະ ສະກັດກັ້ນການແຜ່ລະບາດຂອງພະຍາດ Covid-19 ໃຫ້ຄະນະສະເພາະກິດຂັ້ນເມືອງ. ສໍໍາລັບເຄື່ອງທີ່ນໍາມາມອບໃນຄັ້ງນີ້ປະກອບມີເຄື່ອງອຸປະໂພກ-ບໍລິໂພກ ແລະ ນໍ້າດື່ມຈໍານວນໜຶ່ງ.

ສກຈຮ ເອກພັດທະນາ ເອົາໃຈໃສ່ພົ່ນຢາຂ້າເຊື້ອແຕ່ຫົວທີ ເພື່ອປ້ອງກັນພະຍາດໂຄວິດ-19.

ດ້ວຍຄວາມເອົາໃຈໃສ່ຂອງຄະນະຜູ້ບໍລິຫານ ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ (ສກຈຮ ເອກພັດທະນາ) ໃນການປ້ອງກັນການລະບາດຂອງພະຍາດໂຄວິດ-19. ສະນັ້ນ, ເພື່ອຮັບປະກັນທາງດ້ານສຸຂະນາໄມຂອງຫ້ອງການ, ພະນັກງານ ແລະ ລູກຄ້າ ທີ່ມາໃຊ້ບໍລິການໃຫ້ມີຄວາມປອດໄພ. ເມື່ອໃນວັນທີ 30 ເມສາ 2021 ຜ່ານມາ, ສກຈຮ ເອກພັດທະນາ ຈຶ່ງໄດ້ຈັດໃຫ້ມີການສີດຢາຂ້າເຊື້ອພາຍໃນສໍານັກງານໃຫຍ່ ແລະ ບັນດາໜ່ວຍບໍລິການຕ່າງໆ ເພື່ອເປັນການສະກັດກັ້ນ ແລະ ປ້ອງກັນ ການແຜ່ລະບາດຂອງພະຍາດ Covid-19, ທັງເປັນການຮັກສາມາດຕະຖານຄວາມສະອາດໃຫ້ຖືກຫຼັກອະນາໄມ ຂອງສາທາລະນະສຸກ ແລະ ຮັບປະກັນການໃຫ້ແກ່ລູກຄ້າທີ່ມາໃຊ້ບໍລິການ.

ພະນັກງານຫຼັກແຫຼ່ງຂອງ ສກຈຮ ເອກພັດທະນາ ສໍາເລັດການຝຶກອົບຮົມຫຼັກສູດການເງິນຈຸລະພາກ ລຸ້ນທີ 20.

ຫົວໜ້າພະແນກການຕະຫຼາດ ແລະ ປະຊາສຶກສາທາງດ້ານການເງິນ ແລະ ຫົວໜ້າພະແນກບຸກຄະລາກອນ ສຳເລັດການຝຶກອົບຮົມຫຼັກສູກ ການບໍລິຫານການເງິນ ຈຸລະພາກລຸ້ນທີ 20 ການຝຶກອົບຮົມດັ່ງກາວແມ່ນໄດ້ຈັດຂຶ້ນໂດຍສະມາຄົມການເງິນຈຸລະພາກ. ສໍາເລັດພິທີມອບ-ຮັບໃບຢັ້ງຢືນ ຝຶກອົບຮົມຫຼັກສູດບໍລິຫານການເງິນຈຸລະພາກ (MFMCC) ລຸ້ນທີ 20 ຄັ້ງວັນທີ 9 ເມສາ 2021 ທີ່ ສໍານັກງານສະມາຄົມ ການເງິນຈຸລະພາກ. ໂດຍໃຫ້ກຽດມອບໃບຢັ້ງຢືນໂດຍທ່ານ ບົວຈັນ ແກ້ວມະນີ, ຮອງຫົວໜ້າກົມຄຸ້ມຄອງສະຖາບັນການເງິນ, ເປັນປະທານປິດຝຶກອົບຮົມ ໂດຍທ່ານ ພັນທະບູນ ໄຊຍະເພັດ, ຮອງຫົວໜ້າກົມຄຸ້ມຄອງສະຖາບັນການເງິນ, ທະນາຄານແຫ່ງ ສປປ ລາວ ແລະ ປະທານ ຮ່ວມປິດໂດຍ ທ່ານ ສົມພອນ ສີແສງລັດ, ປະທານ ສມກຈ.

ສກຈຮ ເອກພັດທະນາ ລົງນາມເຊັນສັນຍາຮ່ວມມື ກັບ LaoVietBankໃນການຊໍາລະຄ່າງວດສິນເຊື່ອ ຜ່ານລະບົບທະນາຄານ.

ວັນທີ 09 ເມສາ 2021, ຢູ່ທີ່ LaoVietBank ໄດ້ມີການເຊັນສັນຍາຮ່ວມມືການບໍລິການຊໍາລະຄ່າງວດສິນເຊື່ອຜ່ານລະບົບທະນາຄານ ລະຫວ່າງ ທະນາຄານ ຮ່ວມທຸລະກິດ ລາວ – ຫວຽດ ຈໍາກັດ (LaoVietBank) ກັບ ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ (EMI). ໃຫ້ກຽດເຂົ້າຮ່ວມການເປັນປະທານໃນຄັ້ງນີ້ໂດຍແມ່ນທ່ານ ຫງວຽນ ດຶກ ຫວູ, ຜູ້ອໍານວຍການໃຫຍ່ LaoVietBank ແລະ ທ່ານ ສົມພອນ ສີແສງລັດ, ຜູ້ອໍານວຍການໃຫຍ່ EMI ກໍ່ໄດ້ຂຶ້ນກ່າວຄໍາປາໄສກ່ອນຈະມີການລົງນາມ. ການເຊັນສັນຍາໃນຄັ້ງນີ້, ແມ່ນ ທ່ານ ສົມພອນ ສີແສງລັດ, ຜູ້ອໍານວຍການໃຫຍ່ EMI ກັບ ທ່ານ ຟາມ ກວັກ ກົງ, ຮອງຜູ້ອໍານວຍການໃຫຍ່ LaoVietBank ພ້ອມດ້ວຍການເຂົ້າຮ່ວມເປັນສັກຂີພະຍານຂອງພະນັກງານຫຼັກແຫຼ່ງທັງສອງຝ່າຍ. ດ້ວຍການປະສານງານເຊື່ອມຕໍ່ການຊຳລະໃນຄັ້ງນີ້, ລູກຄ້າທີ່ນຳໃຊ້ການບໍລິການເຊົ່າສິນເຊື່ອ ກັບ ສະຖາບັນການເງິນຈຸລະພາກ ທີ່ຮັບເງິນຝາກ ເອກພັດທະນາ. ຫຼັງຈາກນີ້, …

ສກຈຮ ເອກພັດທະນາ ລົງນາມເຊັນສັນຍາຮ່ວມມື ກັບ LaoVietBankໃນການຊໍາລະຄ່າງວດສິນເຊື່ອ ຜ່ານລະບົບທະນາຄານ.Read More »